Launráð í Lundúnum er grípandi skáldsaga um heima fjármála og glæpa eftir metsöluhöfundinn Ken Follett. Geta blaðamenn komið upp um glæpavef sem tengir tvo að því er virðist ótengda glæpi?Í London vaknar stjórnmálamaður við hlið fagurrar stúlku; glæpamaður upplýsir lið sitt; fjármálajöfur snæðir morgunverð með bankamanni. Þá gerast þrír atburðir: Tilraun til sjálfsvígs, áhlaup og yfirtaka. Atburðirnir sýnast í fyrstu ótengdir þar til blaðamenn Evening Post fara að spyrja spurninga. Hvers vegna er jamaíkanskur banki í vandræðum? Hver keyrði Rolls-Royce bifreiðina sem sást nærri áhlaupinu? Hver var maðurinn sem var skotinn? Eftir því sem líður á daginn eyðist auður, orðspor skemmast og prinsipp eru rofin.Það er ekki fyrr en stjórnmálamaður sem hefur orðið fyrir fjárkúgun ákveður að taka málin í sínar hendur og kemur tveimur óttalausum blaðamönnum á sporið að glæpavefur í miðju samsærisins er afhjúpaður. Verður sannleikurinn of hættulegur fyrir prentið á þessum ógleymanlega degi í höfuðborginni?Bókin er meðal fyrstu skáldsagna Ken Follett og var upphaflega gefin út undir höfundarnafninu Zachary Stone.Ken Follett er breskur metsöluhöfundur. Af þeim 37 titlum sem hann hefur ritað hafa selst yfir 195 milljón eintök á 40 tungumálum í fleiri en 80 löndum. Hann fæddist í Cardiff í Wales árið 1949 og lærði heimspeki á sínum yngri árum áður en hann fór að starfa sem blaðamaður. Árið 1978 skaust hann upp á stjörnuhimininn með bók sinni Nálarauga (Eye of the Needle). Hann hefur ritað mikið af sögulegum skáldsögum, en ein sú vinsælasta er bókin Pillars of the Earth, sem var gerð að sjónvarpsþáttaröð árið 2010. Ken dáir tónlist næstum jafn mikið og bækur og spilar gjarnan á bassagítar. Hann býr í Herefordshire í Englandi með konu sinni Barböru, en þau eiga saman fimm börn, sex barnabörn og þrjá labradora. Hann er virkur í ýmiss konar góðgerðastarfsemi og var formaður Dyslexia Action í áratug.
