KF Mezzi 9 - Fallhætta

Ást eða fótbolti - hvort er mikilvægara?Tómas er enn í meistarabúðunum í Fjörðum, ásamt því að spila með KF Mezzi. Allur þessi tími í fótbolta er farinn að hafa áhrif á einkunnirnar. Hann hefur því lítinn tíma fyrir félagslíf, hvað þá kærustuna. Tómas og Kristín virðast vera að vaxa í sundur og hann getur lítið gert til að breyta því. Svo flækir það málin að hann er farinn að hafa áhuga á annarri stelpu. En hvað verður þá um Tómas og Kristínu?FC MezziKF Mezzi er sería af fótboltabókum eftir Daniel Zimakoff. Serían fjallar um vinina Tómas, Sölva og Berg og gleði þeirra og vandamál með þjálfara, félaga og andstæðinga. Þeir taka þátt í að stofna fótboltaliðið KF-Mezzi, sem er blandað lið, því það eru líka stelpur með í liðinu.Daniel Zimakoff fæddist árið 1956 og er lærður bókasafnsfræðingur, en hefur starfað við ýmislegt, hann vann meira að segja sem leikari áður en hann gerðist rithöfundur. Frá árinu 1980 hefur hann skrifað fjöldann allan af barnabókum og vann til barnabókaverðlauna danska menningarmálaráðuneytisins árið 2004. Þegar hann er ekki upptekinn við að skrifa spilar hann fótbolta, blak, veggtennis, tennis, les bækur, horfir á sjónvarp og keyrir mótorhjól.