Í abbasa húsi

Tóta er átta ára gomul. Hon býr í einum vøkrum, gomlum timburhúsum, sum standa í miðbýnum. Tóta og tey búgva í erva, og abbin og omman búgva í kjallaranum. Einaferðina vóru mamma og pápi hennara næstan liðug at byggja eini hús eina aðrastaðni og vóru flutt hagar, men so fluttu tey aftur til abban og ommuna. Tað var tá ið pápi hennara ikki vildi vera sjómaður longur. Hann vildi so fegin sleppa at skriva bøkur, og tað kundi hann ikki gera tá ið hann var til skips. Tí seldu tey húsini og fluttu inn á ovaru hæddina hjá abbanum og ommuni. Og nógvum fólkum tykti synd í teimum.
Men Tóta helt, at hetta var einki petti syrgiligt.
Tóta er skilagóð og nasadjørv og viðhvørt eisini eitt sindur frek. Besta vinkona hennara eitur Ása, og Ása er fødd í Korea.